星期三&四

工作既事

我唔想再提了

我唔想再將自己變做怨婦了

放工後free很多

吃過飯後

爸媽又再拉我哥傾計

(因為我哥成日躲在自己間房裡玩電腦

我的電腦在大廳

所以我跟爸媽比較close

要寫作時就躲在房間用netbook)

呢件事其實都傾左好耐同好多次

一直上演著最老土既戲碼

"捧打鴛鴦"

我媽一直都唔鐘意個女仔

其中一個原因係因為佢唔係香港女仔

一來佢會覺得內地女仔比香港女仔有機心,貪錢

二來就算真係結婚,要排期好耐好多年先黎到香港定居

三來佢唔鐘意逢星期六日假期就唔見左個仔,要星期一晚先識得蒲頭

四來如果個仔話娶個女仔,番內地定居,佢就好似冇左個仔咁

同埋我哥佢好似有好多野瞞著我地

特別係佢自己用錢方面

老實講

佢賺錢比我多

洗錢慢過我

(女仔每個月都要洗好多錢,e.g.置裝,行街唱k,買書,etc

我又買埋NDS,Netbook,電話etc)

咁點解佢會無錢比家用

無錢還grant loan

仲要還卡數

我唔知道佢仲有咩野要還了

因為佢好多野都三緘其口

爸媽想套佢自己講出黎

已經扯晒火

佢自己仍然係唔出聲

我未見過佢地咁嬲

就算我細個幾咁壞

都唔會好似今次咁

我見到爸媽佢地好傷心

我見到我哥完全變左質

佢以前唔會講大話

就算屋企唔見左錢

我媽只會第一件事懷疑我先

因為我細個時有前科試過偷錢為左買CD

(可見從小我就係一個音樂狂迷~

不過個次我好傷心

因為我無做過)

但大過左自己afford到自己

亦深信一人做事一人當

做錯要認,打就要企定定

就係因為佢自己唔肯講

(連對住我,佢都唔肯講)

我媽就覺得佢比個女仔呃晒啲錢

我哥說他點都不會放棄個女仔

之後唔想再同我媽傾落去

於是佢就即刻執好野番去女仔屋企到瞓

其實佢地中間個conversation有好多野我都唔知

因為我爸刻意叫我去沖涼

唔想我知道太多野

費事個阿哥會係個妹面前冇面

所以到我沖完涼時

只見到我哥著好鞋咩袋走

我爸在安慰著傷心得哭起來的媽媽

(我從來都很少看到媽媽喊

除了上次我哥入深切之外

就是這一次了)

我媽叫我爸不要將說話說得太絕

怕他真的不會回來

他們口裡仍然呢喃著"不肖子"

還跟我說不要學我哥

我就一頭無緒的一面抹乾頭髮一面看著他們

本身不開心的自己也跟著他們傷心起來

這個家是我一直引以為榮自豪著的

我知道我比其他孩子都幸福

我有一對互相相愛著的父母

媽媽雖然有時很兇,

又經常出街打牌

可是其實她很錫我的,我知道

爸爸很林善,從來都不像我會吐工作的苦水

一直自己默默的工作

而且人又鬼馬

什麼也懂

經常讚自己很靚仔

同樣是很疼我的

我哥一直都是我的兒時玩伴

會教我做功課

會吃我不吃和吃剩的東西

會跟我吵架,到最後連架也打不成,

因為大家擠眉弄眼的扮兇狠

到最後大家都忍不住笑

可是現在呢?

好像一切也被推翻了

我希望我所說的一切都是假的

希望是我誤解了我哥

星期四晚

我哥蒲頭跟我們一起吃晚飯

跟搭檯一樣

我媽沒理他

只有我爸心軟的理他

我坐在他身邊

心中捲起了很多疑問

可是我不能在那時問

因為我知道後果

整頓豐富的晚餐跟我們鬱鬱不歡的面容成了對比

大家都很少談話

比平時還要少

身邊的他

我已經對了將近22年

此刻覺得很陌生

很生疏

就像披上哥哥人皮的其他人

走出餐廳後

我媽寧願叫我跟著她也不想看到哥哥

我見到哥哥也很失落

回家後臨睡前

個女仔跟我msn

我一直觀察著

我不想跟我媽一樣武斷

而且我不知道她究竟是一個怎樣的女仔

我這個局外人

可以做的就只有客觀的分析,觀察

我也想我哥幸福

但要幸福,就要找出解決方法

她說我媽對她有偏見,她不會跟我哥分手的

他也說他不會放棄她

我說你究竟知道他是一個怎麼樣的人嗎?他變得太多了,對我來說,他陌生了

她說她相信他,愛他

她說她沒有洗過我哥錢,連吃飯也是她給

他說他幫她交房租

她說她前幾天來了香港跟他吃晚飯

他說他跟我也認識的女舊同學吃飯

她說他即使跟她一起,也曾經跟朋友出去蒲,不過現在沒有了

他說她跟他在一起時曾經劈腿,不過現在沒有了

她說她跟我哥在一起時一早已經知道他負債

他說這個女仔很好的,不貪錢

她說她知道我哥不開心

我說我成家都不開心,包括我

我看見一個一個的謊言

當謊言一個蓋過一個

越滾越大的時候

就跟一個吹得很漲很大的氣球一樣

很容易就會一彈即破

而這個爆破就在一對情侶之間

爆不爆就只是時間問題

星期五早上

大家都沒說過一句話

各有各的上班

我下樓等巴士時

看到還未走的他

落寞不快的

低下頭看著地

我知道他看見我在他身邊經過的

以前的他見我經過一定拍我的

現在呢

就跟個做錯事的孩子一樣低著頭看著地

我不知道我應該做些什麼去解決這一大堆煩人的問題了